Melodi Grand Prix kavalkade

Damekoret Kråkesølv presenterer songar frå både den heimelege Melodi Grand Prix-finalen, og frå den internasjonale konkurransen Eurovision Song Contest. Her kjem både vinnarlåtar og melodiar som ikkje nådde heilt til topps, men likevel har vorte av dei aller mest populære. Me har valgt eit fyrverkeri av songar i kavalkada vår, – frå Danmark, Sverige, Storbritannia, Tyskland, Belgia og ikkje minst Norge på norsk, samisk og engelsk. Gjester er Gol Janitsjarkor med spelande dirigent Karianne Østro, og mannskoret Stjernen med dirigent Hallvor Lilleslett.
Kråkesølv sin dirigent, Gunn Ragnhild Stigen, leier også fellesnumra.
Til saman blir dette ei ekstra flott musikalsk innpakning. Ta gjerne med flagg, og pynt deg i kjent Grand Prix-stil … om du har lyst! I pausa kan de kjøpe nybakt og kaffe. Me håpar å sjå deg på konserten!